Er þetta álitshnekkir?

Lengi vel mátti ekki birta niðurstöður þessa eftirlits. Það var staðfest með stjórnsýsluúrskurði 2008 sjá meðfylgjandi slóð:

http://www.mast.is/Uploads/document/%C3%BArsk.%20%C3%A1bur%C3%B0areftirlit.pdf

Þannig að Matvælastofnun er bundin trúnaði um niðurstöður áburðareftirlits fram til ársins 2010, en þá var sett reglugerð sem skyldaði Matvælastofnun að birta skýrslu um áburðareftirlit fyrir árslok viðkomandi árs, sjá meðfylgjandi reglugerð:

http://stjornartidindi.is/Advert.aspx?ID=213021dc-ea60-4839-a45f-5a2b9c503253

Þar er nákvæmlega sett fram verklag um birtingu þessara niðurstaðna. Þess vegna hafa skýrslur einugis verið birtar fyrir árin 2010 og 2011. Þar er m.a. ákvæði þess efnis að birta skuli lista yfir allar áburðartegundir á markaði á viðkomandi ári. Innflutningur og nýskráning á áburði á sér stað allt árið þannig að til að uppfylla ákvæði reglugerðarinnar er ekki unnt að birta niðurstöðurnar fyrr en í lok árs.

Við reglubundið eftirlit eru tekin sýni af áburði sem stóðst allar greiningar á árinu á undan. Þau sýni eru ekki efnagreind með forgangshraði og því getur liðið um mánuður frá því að þau eru send uns niðurstöður berast. Allur áburður sem fluttur var inn í vor hafði staðist efnagreiningar árið áður.

Þegar niðurstöður efnagreininga lágu fyrir um miðjan maí var megnið af umræddum áburði kominn til bænda og sumt á tún. Það var hörð tíð og Matvælastofnun fékk fyrirspurn sama dag um áburðarbirgðir í landinu, en verulegar áhyggjur voru um sprettu á komandi sumri. 

Við þessar aðstæður varð að taka ákvörðun um að safna saman um 25% alls áburðar sem fluttur var inn og senda úr landi eða eyða í algerri óvissu um að unnt væri að útvega nýjan áburð. Slíkt hefði með heppni tekið a.m.k. mánuð. Það var því metið svo að minna tjón hlytist af því að láta þennan áburð fara á tún bænda en að fara í hinar róttækari aðgerðir.

Ísland hefur undanþágu frá reglum EB um hámark 50 mg kadmíums per kg fosfórs í áburði. Í Noregi er þetta hámark 100 mg og í Bretlandi eru engin efri mörk.

Niðurstaðan er því sú að þessi áburður verður vaktaður sérstaklega á næsta ári og dreifing hans til notenda verður ekki heimiluð fyrr en gulltryggt er að hann stenst kröfur. 


mbl.is Mikill álitshnekkir fyrir MAST
Tilkynna um óviðeigandi tengingu við frétt

Rétt hjá Atla

Ég tek heilshugar undir með Atla. Að sjálfsögðu fer þessi Ross Beaty að skjálfa þegar menn ætla að rannsaka Magma.
mbl.is „Farið hefur fé betra“
Tilkynna um óviðeigandi tengingu við frétt

Ekki er vitað um þykkt íssins!

Í fréttinni segir að ekki sé vitað um þykkt íssins. Þessi aukna ísmyndun
getur stafað af meiri ferskvatnsáhrifum vegna bráðnunar jökla. Eftir
því sem sjórinn er seltuminni því eðlisléttari verður hann og frýs við
hærra hitastig (ferskvatn frýs við 0°C og fullsaltur sjór við um
-1,8°C).  Ferskvatn er þar að auki eðlisþyngst við +4°C, en sjór er
hefur mestan eðlismassa við frostmark. Þess vegna frjósa ferskvötn í
vægu frosti, en úthöfin frjósa seint því kaldi sjórinn sekkur undir
hlýrri sjó. Seltulítill sjór flýtur ofan á saltari sjó og frýs. Því
getur hlýnunin leitt til meiri ferskvatnsáhrifa í norðurhöfum og þannig
valdið meiri útbreiðslu íss, þrátt fyrir hlýrra veður.
mbl.is Hafís eykst á norðurslóðum
Tilkynna um óviðeigandi tengingu við frétt

Þriggja gljúfra stíflan í Kína ógnar fiskimiðum í Austur Kínahafi

Eftirfarandi grein birtist í Morgunblaðinu í mars 2006

 

Þriggja gljúfra stíflan í Kína ógnar fiskimiðum í Austur Kínahafi

 

Vatnsaflsvirkjunum fylgja nær alltaf miðlunarlón. Við gerð þeirra fer land á kaf undir vatn og þar með landsvæði sem ekki verða bætt. Lónin hafa mikil sýnileg áhrif á landslag og náttúrufar. Eðlilega eru þessi mannvirki því mjög umdeild og vekja andúð. Minna er aftur á móti fjallað um áhrif stíflanna og vatnsmiðlunarinnar á náttúru og lífríki neðan stíflanna. Fáir hafa lýst áhyggjum yfir áhrifum þessara virkjana á lífríki sjávarins fyrir ósum fljótanna.

 

Áhrif Þriggja Gljúfra stíflunnar

Í New Scientist frá 25. febrúar sl. er grein eftir Jessicu Marshall um áhrif Þriggja gljúfra stíflunnar í Gulafljótinu í Kína á fiskveiðar í Austur Kínahafi. Það sem þar kemur fram ætti að vekja Íslendinga til umhugsunar um áhrif vatnsaflsvirkjananna á lífríki hafsins umhverfis landið.

Þriggja gljúfra stíflan er ekki fullbúin, en hún verður sú stærsta í heimi og er um 2000 km frá ósum Gulafljóts. Byrjað var að safna vatni í uppistöðulón hennar árið 2003.

Vísindamenn undir stjórn Gwo-Ching Gong í haffræðiháskóla ríkisins í Keelung á Taiwan hafa vaktað vistkerfið í Austur Kínahafi frá árinu 1998. Þeir komust að því að innan tveggja mánaða frá því að byrjað var að safna vatni í uppistöðulónið minnkaði þörungasvifið verulega.

 

Framburður næringarefna er undirstaðan

Við gerð síflunnar minnkaði framburður árinnar sérstaklega framburður næringarefna. Þau falla út í lóninu og verða þar að litlu gagni, en falla til botns. Munar þar mest um efni eins og kísil, sem er mikilvægur fyrir stoðgrind kísilþörunganna, sem eru mikilvægustu svifþörungarnir. Til viðbótar minnkaði og jafnaðist streymi ferskvatns út í hafið. Munar þar mest um að sumarflóðin voru tekin af. Hvort tveggja er mikilvægt til að næra þörungasvifið og mynda þannig undirstöðu fæðupýramídans, þar sem fiskarnir eru í efstu þrepunum. Verulegar breytingar urðu einnig á tegundasamsetningu þörungasvifsins, hlutdeild kísliþörunganna minnkaði, en þeir eru merki um heilbrigt lífkerfi. Í þeirra stað komu svipuþörungar. Svipuþörungarnir þurfa ekki eins mikinn kísil. Þeir geta eytt súrefni úr hafinu og gefið frá sér eiturefni sem eru hættuleg dýrum, þar með töldum fiskum.

Vísindamennirnir fundu að frá ágúst 2003 hefur svæðið við ósa Gulafljóts með hárri framleiðni svifþörunga minnkað um 86% eða úr 114.000 km2 niður í 16.000 km2. Þetta hefur nú þegar valdið alvarlegum aflabresti á hafsvæðinu.

 

Áhrif vatnsaflsvirkjana á Íslandi

Á Íslandi eru vorflóð ánna vel þekkt.  Fyrir ofan ósa þeirra eru misstór flæðiengi, sem njóta góðs af áburðaráhrifum í framburði ánna. Flæðiengin hafa gefið mikla uppskeru, sem bændur hafa nýtt um aldir bæði til heyskapar og beitar. Þau eru enn víða mikilvæg fyrir landbúnað.

Meginhluti framburðar ánna berst til sjávar og er sýnilegur á brúnleitum lit. Áhrif hans á framleiðni hafsins eru ekki eins augljós. Þessi áhrif hafa lítið verið rannsökuð og ekki tekin með í umhverfismati virkjanna. Því er full ástæða til að hvetja til ítarlegra rannsókna á áhrifum vatnsaflsvirkjana á fiskgengd við landið, svo þau verði talin með í ákvörðunartöku um byggingu þeirra.

 


mbl.is Fiskum fækkar í Yangzte
Tilkynna um óviðeigandi tengingu við frétt

Nýrúin ær kemur af fjalli!

Myndin af ánni Bylgju er greinilega af henni nýrúinni á húsi með hey á herðunum en ekki í Kinnastaðarétt.


mbl.is Ærin Bylgja „gekk aftur"
Tilkynna um óviðeigandi tengingu við frétt

Góð landafræði á mbl.is

Er Hafíssetrið ekki á Blönduósi? Er ekki eitthvað rugl á landafræðinni í þessari frétt?


mbl.is Birnan kölluð Snædís Karen
Tilkynna um óviðeigandi tengingu við frétt

Þetta á við um fleiri

Bergur Sigurðsson framkvæmdastjóri Landverndar varð að láta af störfum vegna framboðs síns í forvali VG á Suðurlandi.

Í mínum huga er það ólíðandi að fólk sem býður sig fram í kosningum til Alþingis þurfi að fórna starfi sínu fyrir það. Það er alvarleg hugsunarvilla bæði hjá Landvernd og ASÍ að gera þessar kröfur á starfsfólk sitt. Hins vegar væri unnt að fallast á launalaust leyfi fyrir þetta fólk meðan á baráttunni stendur. Framboð til Alþingis á að vera með öllu kvaðalaust, þannig að fólk þurfi ekki að hætta starfi sínu og lífsafkomu vegna þess.

 


mbl.is Framsóknarflokkurinn gagnrýnir ASÍ
Tilkynna um óviðeigandi tengingu við frétt

Nokkrar spurningar um sölu hvalaafurða

Nú höfum við það 2/3 þjóðarinnar er hlynnt hvalveiðum samkvæmt skoðanakönnun Sjávarnytja.

Allmargir sem láta álit sitt í ljósi gefa lítið fyrir álit erlendra þjóða á þessum veiðum. En hver er staða okkar? Ég ætla að velta upp nokkrum spurningum um þessa ákvörðun:

Er nauðsynlegt að aðeins Hvalur hf. komi til greina við veiðar á langreyði?

Má ekki láta bjóða í hvalveiðiheimildir?

Eru ekki Japanir eina þjóðin sem hugsanlega kaupir afurðir langreyða?

Hvernig verða afurðirnar fluttar til Japan? Í gamla daga voru hvalaafurðir fluttar í frystigámum til Hollands og þaðan til Japan. Nú er væntanlega lokað á flutning hvalaafurða í gegn um ESB eða Norður Ameríku.

Ekki verður siglt með þær í gegn um Súes eða Panama.Vill eihver fara með skipi með fordæmdan farm suður fyrir Afríku og þá leið til Japan?

Á kannske að fljúga með afurðirnar í einkaþotum til Japan?

Hvernig voru afurðir þeirra 7 hvala sem voru drepnir 2006 fluttar til Japan? (Ég hef frétt að það var pöntuð júmbóþota til að flytja þær)

Hver borgaði fargjaldið?

Er búið að selja þessar afurðir, eða lentu þær á haugunum í Japan?

 


mbl.is Meirihluti fylgjandi hvalveiðum
Tilkynna um óviðeigandi tengingu við frétt

Jólakveðja frá Selfossi

 Mælifellshnjúkur í Skagafirði
Með þessari mynd úr Skagafirðinum sendi ég mínar bestu óskir um gleðileg jól og farsælt komandi ár.
 
Valgeir Bjarnason

Breytir engu

Mannabreytingar í ríkistjórn breyta engu. Þetta er bara andlitslyfting en undir situr sama lið með sömu áherslur. Kosningar eru eina skynsamlega leiðin til að endurnýja Alþingi og ríkisstjórn, bæði mannskap og ekki síður stefnu. Bendi á vefinn kjosa.is
mbl.is Uppstokkun fyrir áramót
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband