Amma mín og afi áttu einnig 18 börn

Livia átti 18 börn á 23 árum. Amma mín átti 18 börn á 21 ári.

Amma mín Sesselja Gísladóttir (f. 1875, d. 1941) og afi, Valgeir Jónsson (f. 1868, d. 1949) eignuðust 18 börn á 21 ári. Af þessum 18 börnum komust 14 til fullorðinsára, en 4 dóu í frumbernsku. Þessi fríði hópur er nú allur genginn á vit feðra sinna, sum í hárri elli, blessuð sé minning þeirra. Þau bjuggu í Norðurfirði á Ströndum og byggðu þau bæ sem nú kallast Valgeirsstaðir. Satt best að segja er ótrúlegt að þessi barnamergð skuli hafa komist fyrir í þessu húsi, en það var stækkað síðar.

Árið 1986 var haldið ættarmót töldust afkomendur þá vera 350, gera má ráð fyrir verulegri fjölgun síðan þá.

Börn þeirra voru:

Jón f. 1896 (d. sama ár)

Jón f. 1897

Gíslína Vilborg f. 1898

Valgerður Guðrún f. 1899

Sigurlína Guðbjörg f. 1900

Ólafur Andrés f. 1901

Albert f. 1902

Guðjón f. 1903

Guðmundur Pétur f. 1905

Sveinbjörn f. 1906

Soffía Jakobína f. 1907

Sveinbarn f. 1908 (dó í fæðingu)

Benedikt f. 1910

Meybarn f. 1911 (andvana)

Meybarn f. 1912 (andvana)

Eyjólfur f. 1914

Valgeir f. 1916

Laufey f. 1917

Frjósamasta kona jarðar

Athugasemdir

[Elín Guðmunds. (IP-tala skráð) 30.7.2008 kl. 00:49]

Ég segi það sama og Magga Ó -þeir hafa gleymt að kíkja hingað. Amma mín átti einmitt 15 börn á 18 árum - þar af ekkert af fjölburum! 13 komust á fullorðinsár. Þetta hefur líklega verið viða hér á landi á árum áður - ekki það að maður myndi nenna þessu endilega í dag

[Brynjar Jóhannsson, 30.7.2008 kl. 02:44]

Og amma mín 10 börn og mér skylst að það hafi verið algengt að eiga mikið af börnum á þessum tíma svo mér finnst þessi frétt vafasöm.

[Erna Bjarnadóttir, 30.7.2008 kl. 23:45]

Já, afkomendur Sesselju og Valgeirs hljóta að vera á seinni helmingnum í þúsund í dag. Þú veist líklega manna best t.d. hve margir afkomendur Laufeyjar, yngsta barns þeirra hjóna, eru orðnir en hún átti jú 10 börn.

[Gullý (IP-tala skráð) 10.8.2008 kl. 16:19]

Magga og Elín, fullt af svona dæmum hér á landi en þó ekki (mjög lítið a.m.k.) síðustu 20 ár einsog verið er að tala um í þessari tilteknu frétt.