Fréttamat

Það er eðlilegt að koma og afdrif þessa hvítabjarnar veki mikla athygli. Hvítabirnir eru í verulegri hættu vegna hlýnunar og skerðingar á búsvæði þeirra. Það er virkileg þörf á að leita svara við því, hvers vegna þessi bangsi kom til landsins. Er t.d. hætta á að fleiri kunni að þvælast til landsins á næstunni án þess að hafís verði landfastur.

Hins vegar er fréttamatið dálítið undarlegt. Fjölmiðlar blása út um þennan bangsa, en hins vegar skilst mér að næstu nágrannar okkar hafi lítið frétt af jarðskjálftunum sem riðu yfir á dögunum. Alla vega hefur fólk sem ég hef verið í sambandi við á Norðurlöndunum ekkert vitað um þá atburði, sem þó eru mun alvarlegri.

Hvítabjarnarmál vekur athygli

Athugasemdir

[Erna Bjarnadóttir, 9.6.2008 kl. 16:07]

Sæll frændi, það er líklega eftir því hvað fólk fylgist með. Ég hitti ágætan danskan kunningja í Varsjá í síðustu viku og hann var vel heima í jarðskjálftunum. Kveðja á Selfoss